Umarell er Ítalskt orð sem gerir góðlátlega grín af eldri mönnum sem eru oft komnir á eftirlaun og hafa tekið sér upp sem dægradvöl að fylgjast með iðnaðarsvæðum og framkvæmdum. Það verður að áhugamáli þeirra að fylgjast með, hafa sterkar skoðanir á hvernig rétt væri að gera hlutina, hvernig þeir hefðu gert það eða miðla þekkingu sinni á hvernig þeir hafi séð það verið gert í gegnum ævi sína. Þeir standa eða sitja við iðnaðarsvæði þar sem verið er að vinna verk nánast eins og þeir séu að hugleiða, það er skiljanleg leið til að eyða deginum sínum því það getur verið þægilegt að fylgjast með einhverjum vinna. Þeir geta spjallað sín á milli eða gefið iðnaðarmönnunum ráð um hvernig best væri að haga þessum verkefnum. Stemningin sem fylgir þessu áhugamáli er sérstök því það er sjaldséð ró sem fylgir einbeitingunni, athyglinni og alvarleikanum sem fylgir því að fylgjast svona með og hafa álit á því hvernig hlutum sé best hagað.

Nicholas Cage er bandarískur leikari sem fæddist árið 1964. David Lynch kallaði hann Jazz tónlistarmann sem leikur, aðrir hafa alls ekki jafn hátt álit á honum. Nicholas tekur við nánast öllum verkefnum (því hann hefur farið illa með pening í gegnum feril sinn) en það gerir það að verkum að það er ekki hægt að type-casta hann. ( ráða hann í hlutverk sem hentar honum auðmeltanlega ) Leikaraskapur Nicholas er sérkennandi, hann segist nálgast leiklistarstíl sinn súrrealískt eða abstrakt frekar en method acting aðferðir margra annarra leikara þar sem leikarar tileinka sér líf karaktersins sem þau leika. Það verður oft nánast kómískt hvernig hann leikur og kvikmyndirnar hans fá oft sérkennandi yfirbragð því hann leikur alls ekki eins og maður ímyndar sér að karakter myndi bregðast við ef söguþráðurinn hefði gerst í alvörunni.